( បទពាក្យ ៧ )
១-អារម្មណ៍ថ្ងៃនេះខុសម្សិលមិញ
ដួងចិត្តទោម្នេញសែនសោកា
រឿងរ៉ាវកើតឡើងពេញឱរា
អោយធ្វើយ៉ាងណាទើបស្រាយបាន ។
២-៦ខែផុតទៅពៅដឹងទេ
បងនឹកមាសមេឥតស្រាកស្រាន
ទន្ទេញចង់ជួបមុខកល្យាណ
ទើបបងសុខសាន្តលែងខ្វាយខ្វល់ ។
៣-ថ្ងៃមួយបងបានទៅលេងស្រុក
បងបានជួបមុខស្រស់និមល
ចង់ទៅប្រាប់អូនអោយបានយល់
ថាបងនេះជ្រុលស្នេហ៍អូនហើយ ។
៤-អកុសលកម្មបងគ្មានវាសនា
បានស្រស់ជីវ៉ាមកកៀកកើយ
ព្រោះរូបចរណៃមានគូរហើយ
ទើបស្រីកន្តើយដាក់រូបបង ។
៥- អោយភ្លេចម្តេចទៅក្តីស្រឡាញ់
បេះដូងពោរពេញរូបនួនល្អង
ចង់បានកៀកកើយបីត្រកង
ប៉ុន្តែបំណងរលាយសូន្យ ។
៦-ខាំមាត់បិទភ្នែកបំភ្លេចស្ងួន
ជូនពរនឹមនួនលើផ្លូវស្នេហ៍
សុភមង្គលមានហូរហែ
សូមអូនជួបតែស្នេហ៍ភក្តី
៕
ក្រុងព្រះសីហនុ ខេត្តព្រះសីហនុ
សរសេរចប់ថ្ងៃទី ២០ ខែ សីហា ឆ្នាំ ២០១១
និពន្ធដោយ ៖ ហៀង ធារ៉ា
(ព្រះអាទិត្យតូច)
រក្សាសិទ្ធិ
No comments:
Post a Comment