សួនកំណាព្យ ៖ បេះដូងកូនប្រុស

 បេះដូងកូនប្រុស

( ពាក្យ កាកគតិ )

              ១-បេះដូងកូនប្រុស            មិនខ្ជិលច្រអូស              ខិតខំសិក្សា

             

             ក្រេបយកចំណេះ           តាមក្បួនតម្រា                 ដែលលោកបានចារ

                                               

           ទុកមកជាយូរ ។ 

             ២-បេះដូងកូនប្រុស            មិនខ្ជិលច្រអូស               ខិតខំតស៊ូ

            

              ជួយឪពុកម្តាយ              តាយាយមីងពូ                  ព្យាយាមផ្តាច់ប្តូរ

                                              

             គ្រប់ប្រាំងវស្សា ។

           ៣-បេះដូងកូនប្រុស           មិនខ្ជិលច្រអូស                 ជួយយកអាសា

            

            ជួយអ្នកជិតខាង            មិត្តរួមសាលា                    ជួយធ្វើកិច្ចការ

                                          

              សង្គមដោយស្មោះ ។

     

           ៤-បេះដូងកូនប្រុស          ត្រូវតែជម្រុះ                       ភាពខ្ជិលអោយអស់

          

            អភិវឌ្ឍសង្គម              ជម្រុញកេរ៌ឈ្មោះ              ទឹកដីខ្មែរស្រស់

                                      

                        ទេសចរណ៍តាមស្នេហ៍ ។

         ៥-បេះដូងកូនប្រុស          ត្រូវតែប្រឹងរស់                   ដើម្បីដីខ្មែរ

      

           អរិយធម៌រុងរឿង         វប្បធម៌ហូរហែ                 បេះដូងឈាមខ្មែរ

                                 

                   ត្រូវថែអោយបាន ៕ 

ខេត្តព្រះសីហនុ ថ្ងៃ ពុធ ទី ២៧ ខែ កក្កដា ឆ្នាំ ២០១១ 

និពន្ធដោយ ៖ ហៀង ធារ៉ា 

( ព្រះអាទិត្យតូច )

រក្សាសិទ្ធិ