សួនកំណាព្យ ៖ លង់សេ្នហ៍អរិយក្សត្រ

លង់ស្នេហ៍អរិយក្សត្រ

(បទពាក្យប្រាំពីរ)

១-ទូកដរចាកចេញចោលកំពង់

ត្រាច់ចរតម្រង់អរិយក្សត្រ

ធ្វើឲ្យចិត្តខ្ញុំព្រួយមិនបាត់ 

នឹកអរិយក្សត្រចង់ប្រាថ្នា ។

២-មិនយូរប៉ុន្មានដល់ទឹកដី

ដ៏ស្រស់ប្រិមប្រិយ៍សែនសេ្នហា

ទនេ្ទញចង់ជួបតែភក្រ្តា

បងជាមយូរាចង់ផ្ញើប្រាណ ។

៣-អូនជាមយូរីដែនទន្លេ 

ចរិយាលើសគេគ្មានប្រៀបបាន

ស្រគត់ស្រគំដូចកល្យាណ

ធិតាសួគ៌ស្ថាននាត្រៃត្រឹង ។

៤-ពេលបានជួបអូនចិត្តអរភ័យ

ចង់ហៅមិត្តថ្លៃមកជួយពឹង

ប្រាប់អូនថាបងស្នេហ៍ព្រលឹងឪ

បើស្រស់ម្លឹងៗទ្រាំមេ្តចទៅ ។

៥-រសៀលទន់ទាបថ្ងៃរាបលិច

បងចាំមិនភ្លេចភ័ក្រឆ្លោមឆ្លៅ

ដើរបេះបន្លែចម្ការពៅ

ភ័ក្រក្រហមឆ្អៅគួរបេត្តី ។

៦-វេលាត្រូវឃ្លាតចង្អៀតចិត្ត

បងលាវមិត្រទាំងស្តាយស្រី

មិនដឹងថ្ងៃណាបានជួបថ្លៃ

សាសងសម្តីនឹងមាសស្ងួន ។

៧-លាហើយបុប្ជាចម្ការសេ្នហ៍

អរិយក្សត្រថែសម្រស់អូន

សូមផ្ញើបេះដូងស្មោះនឹមនួន

សាងស្នេហ៍នឹងអូនម្ចាស់ទន្លេ​​ ៕

ភ្នំពេញ ថ្ងៃ  ពុធ ទី ៣០ ខែ តុលា ឆ្នាំ ២០១៣

និពន្ធដោយ  ហៀង ធារ៉ា

(ព្រះអាទិត្យតូច)

រក្សាសិទ្ធិ