សំណៀងស្នេហ៍ទេសចរណ៍
(បទពាក្យប្រាំបី)
១-សៀមរាបដែនដីមហានគរ
សែនល្បីខ្ទារខ្ទរពាសពេញលោកា
ខ្មែរមានមោទនៈព្រោះជាខេមរា
អង្គរមហាប្រាសាទគ្មានពីរ
។
២-របាំអប្សរាលើផ្ទាំងសិលា
ស្តែងពីកិរិយាទន់ភ្លន់នារី
បរទេសគ្រប់សាសន៍ពីគ្រប់ទិសទី
ចង់ឃើញទស្សនីយ៍អប្សរាពិតៗ ។
៣-ប្រាសាទបាយ័នស្នាមញញឹមខ្មែរ
យើងតាំងចិត្តថែកត់ត្រាក្នុងចិត្ត
កំពូលបាខែងមើលថ្ងៃរៀបលិច
ទេសចរណ៍ឆ្ងាយជិតចង់មកកំសាន្ត។
៤-ភ្នំពេញសៀមរាបឥឡូវជិតគ្នា
ទៅមកគ្រប់គ្រាអាចវិលល្ងាចបាន
ចម្រៀងទេសចរណ៍ច្រៀងកំដរប្រាណ
ជូនពរឲ្យបានសុខសាន្តរៀងអើយ។
ភ្នំពេញ ថ្ងៃ ពុធ ទី ២៧ ខែ មិនា ឆ្នាំ ២០១៣
និពន្ធដោយ ហៀង ធារ៉ា
(ព្រះអាទិត្យតូច)
រក្សាសិទ្ធិ
No comments:
Post a Comment