សួនកំណាព្យ ៖ រនាតកូនខ្មែរ

រនាតកូនខ្មែរ

បទពាក្យប្រាំពីរ

  ១-រណីងរណងពិរោះក្រៃ

រនាតស្នាដៃភ្លេងកូនខ្មែរ

       មានអមចម្រៀងអន្ទងស្នេហ៍

ជួយទុកជួយថែវប្បធម៌ជាតិ ។

        ២-មហោរីសម័យដៃឯកលេង

ខ្ញុំស្តាប់វង្វេងមិនចង់ឃ្លាត

       ទោះនៅជិតឆ្ងាយនឹករនាត

ភ្លេងស្នេហ៍ថ្នមជាតិសិល្បៈយើង ។

        ៣-គ្រប់ភ្លេងគ្រប់បទកត់ក្នុងចិត្ត

រាល់ថ្ងៃតែង​​គិតលើកតម្កើង

             ទោះសិល្បៈខ្មែរធ្លាក់បាក់ទ្រើង 

សិល្បៈខ្មែរយើងត្រូវតែរស់ ។

        ៤-មិនត្រូវឲ្យអ្នកក្រៅបង្អាប់

សិល្បៈខ្មែរស្លាប់មានតែឈ្មោះ

ត្រូវប្រឹងឡើងវិញដើម្បីជួស

សិល្បៈខ្មែររស់ឈ្មោះខ្មែរមាន ។

        ៥-សរសើរទឹកដៃស្រីអ្នកវាយ

រនាតទ្រង់ទ្រាយខ្មែរបានប្រៀន

វប្បធម៌ខ្មែរល្អអ្នកក្រៅគ្មាន

សូមកូនខ្មែរៀនបន្តគ្នា ។

        ៦-រនាតកូនខ្មែរសូមថែចិត្ត

សូមថែគំនិតខ្មែរគ្រប់គ្រា

ថែសិល្បៈខ្មែរឲ្យរមនា

រនាតគឺជាសិល្បៈយើង ៕

ថ្ងៃ អង្គារ ទី ០៦ ខែ វិច្ឆិកា ឆ្នាំ ២០១២

និពន្ធដោយ ហៀង ធារ៉ា

(ព្រះអាទិត្យតូច)

រក្សាសិទ្ធិ