ផ្ញើស្នេហ៍ក្បែរស្ទឹងសែន
( បទពាក្យប្រាំពីរ )
១-ស្ពានកំពង់ធំជំរុំស្នេហ៍
បានជួបមាសមេផ្កាក្រពុំ
បូប្ជាស្ទឹងសែនកំពង់ធំ
អូនជាក្រមុំល្អលើសស្រី ។
២-បុណ្យចូលឆ្នាំខ្មែរជួបម្តងទៀត
ម្តេចក៏វរនាថមិនប្រណី
ខំសួរសុខទុក្ខអូនមិនស្តី
ហេតុអ្វីចរណៃថ្លៃដើរគេច ។
៣-បានជួបមិត្តអូនប្រាប់បងថា
ស្រស់ស្រីកនិដ្ឋាឈ្មោះស្រីពេជ្យ
លឺឈ្មោះនឹករូបចាំជានិច្ច
ទន្ទេញឈ្មោះពេជ្យជាប់ហលទ័យ ។
៤-មកដល់សន្ទុកជួបមុខទៀត
បងលៃលកឆ្លៀតហៅឈ្មោះថ្លៃ
ក្រែងអូនបានលឺតបសម្តី
តែបែររីងរៃស្រីមិនឆ្លើយ ។
៥-ឱស្ទឹងសែនម្ចាស់អ្នកកើតអ្វី
ទើបមិនស្រដីស្តីឆ្លងឆ្លើយ
បងហៅម្តងៗពៅកណ្តើយ
រឺមួយត្រាណត្រើយមានម្ចាស់ចិត្ត ?
៦-មិនថាថ្ងៃនេះរឺថ្ងៃណា
បងផ្ញើសង្ខារម្ចាស់ស្ទឹងពិត
ទោះអូនទំនេររឺគេស្និទ្ធ
កវីផ្ញើចិត្តម្ចាស់ស្ទឹងហើយ ៕
ក្រុងព្រះសីហនុខេត្តព្រះសីហនុ
សរសេរចប់ថ្ងៃទី ០៦ ខែ កក្កដា ឆ្នាំ២០១២
និពន្ធដោយ ៖ ហៀងធារ៉ា
( ព្រះអាទិត្យតូច )
រក្សាសិទ្ធិ
No comments:
Post a Comment