( បទពាក្យប្រាំពីរ )
១-អនុស្សាវរីយ៍វិទ្យាល័យ
លួចស្រឡាញ់ស្រីជាកូនគ្រូ
មិនហ៊ានហាស្តីត្រឹមគិតគូរ
សុខចិត្តទុកយូរមិនហ៊ានប្រាប់ ។
២-ដឹងថាមិត្តបងស្រឡាញ់អូន
បេះដូងសោះសូន្យព្រោះឈឺចាប់
គេហ៊ានសារភាពមុនបងប្រាប់
ជីវិតដូចស្លាប់ស្តាប់ពាក្យគេ ។
៣-តែបងរស់វិញពេលអូនឆ្លើយ
ថាស្រស់ត្រាណត្រើយមិនស្នេហ៍ទេ
ទុកដូចមិត្តភ័ក្រ្កអូននិងគេ
ទុកពេលទំនេរវ័យសិក្សា ។
៤-អង់គ្លេសក្រៅម៉ោងអង្គុយក្បែរ
សន្សំចិត្តថែស្នេហ៍ជីវ៉ា
ចង់ប្រាប់ពាក្យពិតក្នុងឱរា
តែគិតខ្លាចថាស្តីមិនសម ។
៥-ម្លប់ដើមពោធិធំមុខអាគារ
បងស្រណោះគ្រាលួចមើលម៉ុម
បងស្រណោះគ្រាលួចមើលម៉ុម
កម្រិតថ្នាក់អូនខ្ពស់ឧត្តម
ចំណែករូបខ្ញុំទាបជាងថ្លៃ ។
៦-នឹកឃើញកង់ចាស់ធ្លាប់ឌុបគ្នា
រលឹមរងាអូនឱបដៃ
ចិត្តព្រួយបារម្ភនិងចរណៃ
ភ័យព្រួយយប់ថ្ងៃព្រោះចិត្តស្នេហ៍ ។
៧-ឱតាំងគោកអើយជួយប្រាប់ផង
ថាក្តីបំណងខ្ញុំអាចទេ
លួចស្រឡាញ់គេរាល់ថ្ងៃខែ
រហូតចិត្តស្នេហ៍ហាបេះដូង ។
៨-តាំងគោកនេះហើយជាកំណើត
រៀនផ្តើមកកើតស្នេហ៍ក្នុងទ្រូង
ចង់ប្រាប់អូនថាមនុស្សដំបូង
តាំងគោកបេះដូងកំណើតស្នេហ៍ ៕
ក្រុងព្រះសីហនុខេត្តព្រះសីហនុ
សរសេរចប់ថ្ងៃទី ១៣ ខែ កក្កដា ឆ្នាំ២០១២
និពន្ធដោយ ៖ ហៀងធារ៉ា
( ព្រះអាទិត្យតូច )
រក្សាសិទ្ធិ
No comments:
Post a Comment